یاریگا –
وا دیارە هاوینێکی پڕ چالاکی گواستنەوە چاوەڕوانی ریاڵ مەدرید دەکات و ئێستا لە زۆرینەی خولە بەهێزەکانی ئەوروپا ئامانجی خۆی دەستنیشان کردووە بۆ پێگە جیاوازەکانی.
هەریەکە لە کیلیان ئێمباپێ و ئالفۆنسۆ دەیڤدز بە ئەگەرێکی زۆرەوە ئەم هاوینە لە فەرەنسا و ئەڵمانیاوە بارگەوبنەیان دەگوازرێتەوە بۆ مەدرید و درێسی سپی دەپۆشن. بەڵام دیارە ئەوە هێشتا خواستی شاهانەکان تێر ناکات هەربۆیە چوونەتە کێبڕکێی ئەستێرەیەکی مانچێستەر سیتیەوە.
بە گوێرەی زانیارییەکانی رۆژنامەی دەیلی ستاری ئینگلیزی، ریاڵ پێشەنگە لە کێبڕکێی گواستنەوەی بێرناردۆ سیلڤای ئەستێرەی سیتیزنس.
🚨 Real Madrid are leading the race to sign Manchester City's 29-year-old midfielder Bernardo Silva this summer.
(Source: Daily Star) pic.twitter.com/3CJHfScXFD
— Transfer News Live (@DeadlineDayLive) April 21, 2024
شاهانەکان لەم پێناوەسا رێگەیان گوڵڕێژ نییە. رۆژنامەی سپۆرتی ئیسپانی زانیاریی بڵاوکردووەتەوە کە بارسێلۆنای رکابەریشیان خۆیان بۆ هەمان ئامانج ئامادە کردووە تا رکابەرێتی ریاڵ بکەن و خودی خوان لاپۆرتای سەرۆکی بلاوگرانا ئەو یاریزانەی لا بووەتە ئامانجی سەرەکیی.
🚨 Barcelona are set to rival Real Madrid, with the club's president Joan Laporta making Bernardo Silva a top target.
(Source: @Sport) pic.twitter.com/OucvqDLza6
— Transfer News Live (@DeadlineDayLive) April 21, 2024
بڵاوبوونەوەی ئەم زانیارییانە لە کاتێکدایە چەند هەفتەیەک لەمەوبەر جواو فێلیکس پورتوگالی و هاونیشتیمانی سیلڤا باسی لەوە کرد کە ئەستێرەکەی سیتی پرسیاری لێکردووە لەبارەی شێوازی ژیانکردن لە بارسێلۆنا و دەشیەوێت پەیوەندی بە بلاوگراناوە بکات.
سیلڤای تەمەن 29 ساڵان لە دیارترین چەکە کاریگەرەکانی بەردەست پیپ گواردیۆلایە لەوەتەی کاری پێکەوەییان لە یانەکەی شاری مانچێستەر. پێکەوە چەندین نازناوی گرنگیان بردووەتەوە، لەنێویاندا سیانە لەبیرنەکراوەکەی وەرزی رابردوو.
