یاریگا –
دانیێلی دێ رۆسی لە پۆستی راهێنەرایەتی رۆما بەردەوام دەبێت.
دی رۆسی لە یەنایەر/کانوونی دووەمی رابردوودا گرێبەستێکی تاوەکو کۆتایی وەرز لەگەڵ رۆما واژۆ کرد و شوێنی جۆزێ مۆرینیۆی گرتەوە.
کاتێک دی رۆسی دەستبەکاربوو، رۆما لە پلەی نۆیەمی ریزبەندی سێریا ئەیدا بوو، ئێستا یانەکەی پایتەخت لە پلەی پێنجەمدایە و حەوت یارییە نەدۆڕاوە.
ئەمشەو لە یاری گەڕانەوەی قۆناخی هەشتی یۆرۆپالیگ رووبەڕووی میلان دەبێتەوە، لە یاری چووندا بە ئەنجامی 0-1 سەرکەوت.
دان و راین فرایدکن، خاوەنانی رۆما لە بەیاننامەیەکدا بڵاویانکردووەتەوە
دوای کۆبوونەوەی دوێنێمان لەگەڵ دانیێلی دۆ رۆسە، خۆشحاڵین بەردەوام بوونی دی رۆسی وەک راهێنەری رۆما رابگەینین. لە ماوەیەکی کورتدا، کاریگەری ئەرێنی دی رۆسی و سەرکردایەتییەکەی بەسەر یانەکە دەرکەوتووە. دانیێلی بەڕێز و ورەیەکی زۆرەوە سەرکردایەتی تۆما دەکات.
لە بەیاننامەکەدا هیچ باسی ماوە و شێوازی گرێبەستەکە نەکراوە.
ئەمشەو رۆما لە یاری گەڕانەوەی قۆناخی هەشتی یۆرۆپالیگ پێشوازی لە میلان دەکات و دووشەممەش لە سێریا ئەی رووبەڕووی بۆڵۆنیا دەبێتەوە.
