یاریگا –
كۆڵ پاڵمەر، ئەستێرەی لاوی هەڵبژاردەی ئینگلتەرا و یانەی چێڵسی ئینگلیزی بەردەوامە لە پێشكەشكردنی ئاستە بەرزەكەی.
شەوی رابردوو چێڵسی لە یاریگای ستامفۆرد بریجی تایبەت بە خۆی میوانداری ئێڤەرتنی كرد و یارییەكەشی بە ئەنجامی شەش گۆڵی بێ وەڵام لێ بردەوە، لە میانی یارییەكانی هەفتەی 33ی پرێمەرلیگ.
لە كۆی ئەو شەش گۆڵە پاڵمەر توانی چوار گۆڵ لە خولەكەكانی 13,18,29,64 تۆمار بكات.
7 – أصبح كول بالمر أول لاعب على الإطلاق في تشيلسي يسجل في سبع مباريات متتالية في الدوري الإنجليزي الممتاز على ملعب ستامفورد بريدج.تألق. pic.twitter.com/DQkKxtcHlx
— OptaArabi (@OptaArabi) April 15, 2024
پاڵمەر یەكەم یاریزانە لە مێژووی چێڵسیدا لە حەوت یاری یەك لە دوای یەك لە یاریگای ستامفۆرد بریج لە پرێمەرلیگ گۆڵ بكات.
پاڵمەر لە گواستنەوەكانی هاوینی رابردوودا بە بەهای 47 ملیۆن یۆرۆ لە ریزەكانی مانچێستەر سیتیەوە پەیوەندی بە چێڵسیەوە كرد.
گرێبەستەكەی لەگەڵ بلووز لە هاوینی ساڵی 2030 بەسەردەچێت.
چێڵسی بە كۆكردنەوەی 47 خاڵ لە ریزبەندی نۆیەمی پرێمەرلیگ دێت.
