ئاستە بەرزەکەی واتکینز لەندەنییەکانی هێناوەتە سەر خەت بۆ گواستنەوەی
یاریگا –
ئۆلی واتکینز و ئەو ئاستە بەرزەی ئەم وەرزە پێشکەشی دەکات بووەتە جێی بایەخی یانەی دیکە و لە لەندەنەوە خواست لەسەر ئەو هێرشبەرە دروست بووە.
هێرشبەرە ئینگلیزیەکە وەرزێکی لەبیرنەکراو لەگەڵ ڤیێلا بەڕێ دەکات و توانیویەتی لە ٢٥ یاری ئەم وەرزەدا بەشداری لە ٢٣ گۆڵ بکات. بە جۆرێک، ١٣ جار تۆڕی ڕکابەرەکانی هەژاندووە و خاوەنی دە ئەسیستیشە.
بەگوێرەی زانیارییەکانی Fichajes، ئارسیناڵی لەندەنی نیازیان لە چوونە پێشەوەیە بۆ کڕینی یاریزانە ٢٨ ساڵانەکە.
🚨 Arsenal are considering a move for Aston Villa's 28-year-old striker Ollie Watkins.
(Source: Fichajes) pic.twitter.com/JRNfkRmsjE
— Transfer News Live (@DeadlineDayLive) February 20, 2024
پێشتر و لە چەند مانگی ڕابردوودا خودی یاریزانەکەیش باسی لەوە کردبوو کە هاندەری گەنەرزە.
واتکینز پاش خۆ سەلماندنی لەگەڵ یانەی برێنتفۆرد، لە ساڵی ٢٠٢٠ پەیوەندی بە ئەستۆن ڤیلاوە کرد و لەو کاتەوە تا ئێستا ١٥١ یاریی کردووە و توانیویەتی ٨٦ گۆڵ تۆمار ب کات.
بە گوێرەی سەرچاوە جیاوازەکان، واتکینز لەلایەن خودی میکێل ئارتێتاوە داوا کراوە و خواستی ئەو راهێنەرە ئینگلیزیەی لەسەرە.
