بارسێلۆنا بەفەرمی رایگەیاند مارکۆس ئەلۆنسۆ نەشتەرگەری پشتی بۆ دەکرێت
یاریگا-
یانەی بارسیلۆنای ئیسپانی بە فەرمی ڕایگەیاند، مارکۆس ئەلۆنسۆ پێویستی بە نەشتەرگەری له پشتی هه‌یه.
لە بەیاننامەیەکی فەرمیدا یانە کەتەلۆنییەکە ئاشکرایکردووە، دوای ئەوەی ئه‌ڵۆنسۆ تووشی پێکانێک بوو، لەم ماوەیەی رابردوو بەشداری یارییه‌كان نه‌كرد بۆ چاره‌سه‌ری پێكانه‌كه‌ی پێویستی بە نەشتەرگەری له پشتی هەیە.
[INJURY NEWS]
Next week, Marcos Alonso is to undergo surgery on the problems in the lumbar region of his back that have kept him sidelined in recent weeks. The club will be making an announcement immediately after to report on how the operation has gone. pic.twitter.com/yML6aZvRjQ
— FC Barcelona (@FCBarcelona) December 31, 2023
پێگەی فەرمی بارسێلۆنا لە بەیاننامەکەیدا ئاماژەی بەوەکردووە، هەفتەی داهاتوو مارکۆس ئەلۆنسۆ نەشتەرگەری بۆ چارەسەرکردنی کێشەی ناوچەی کەمەری پشتی بۆ دەکرێت، بۆ ماوه‌یه‌ك له یاریگاكان دوور ده‌كه‌وێته‌وه.
له ماوه‌ی رابردوو لە ریزەکانی بارسێلۆنا، تێر شتیگن نەشتەرگەری پشتی بۆ کرا، هه‌روه‌ها گاڤی له بەستەرە خاچی له ئه‌ژنۆیدا نه‌شته‌رگه‌ری بۆ ئەنجامدرا.
یانە کەتەلۆنییەکە ئامادەکاری دەکات بۆ یاری به‌رامبه‌ر لاس پاڵماس له سه‌ره‌تای ساڵی نوێ یارییه‌كه‌ش له ركابه‌رییه‌كانی گه‌ڕی 19ی لالیگایه.
