یاریگا –
بێرناردۆ سێلڤا، ئەستێرەی هەڵبژاردەی پۆرتوگال و یانەی مانچێستەر سیتی ئینگلیزی باس لە پەیوەندیكردنی جواو فێلیكسی هاونیشتیمانی بە ریزەكانی یانەی ئاتلێتیكۆ مەدریدی ئیسپانیەوە دەكات.
لە گواستنەوەكانی ساڵی 2019 جواو فێلیكس لە ریزەكانی بێنفیكاوە پەیوەندی بە ئاتلێتیكۆ مەدریدەوە كرد.
جواو فێلیكس لە گواستنەوەكانی هاوینی رابردوودا بە شێوەی خواستن و بۆ ماوەی وەرزێك پەیوەندی بە بارسێلۆناوە كرد.
Bernardo Silva falou sobre a evolução da carreira do amigo João Félix 🗣️ “Não é uma crítica, mas se eu tivesse ido para o Atlético, se calhar também não teria tido sucesso”.
Vê a entrevista exclusiva da nossa Figura do Ano no nosso site. pic.twitter.com/WycnDvrQMv
— A BOLA (@abolapt) December 27, 2023
لە لێدوانێكیدا بۆ رۆژنامەی ئابۆلای پۆرتوگالی بێرناردۆ سێلڤا گوتی:
پەیوەندیم بە مانچێستەر سیتیەوە كرد، ئەو یانەیەی كە خۆم لەگەڵیدا گونجاند، بە پێچەوانەی جواو فێلیكسەوە كە پەیوەندیكردن بە ئاتلێتیكۆ مەدریدی هەڵبژارد.
ناوەڕاستكارەكەی سیتیزن بەردەوام بوو گوتیشی:
جواو فێلیكس رووی لە یانەیەكی هەڵەكرد، رەنگە منیش سەركەتوو نەبوومایە ئەگەر پەیوەندیم بە ئاتلێتیكۆ مەدریدەوە بكردایە، هەوڵم دەدا خۆم بگونجێنم و بیرۆكەكانی راهێنەر پەیڕەو بكەم، بەڵام ئەوە بۆ من چێژبەخش نەدەبوو.
لە كۆتایشدا ئەستێرە پۆرتوگالیەكە گوتی:
دڵخۆشم بۆ فێلیكس، چونكە لە بارسێلۆنا بە دڵخۆشی دەیبینم، لە كەش و هەوایەكدایە زیاتر لەگەڵ شێوازی یاریكردنیدا دەگونجێت، هەروەها زۆر بەهێزترە لەوەی چەند ساڵێك پێش ئێستا هەبوو.
لەم وەرزەی لالیگای ئیسپانیا جواو فێلیكس 15 یاری لەگەڵ بارسێلۆنا كردووە و توانیویەتی سێ گۆڵ بكات و دوو گۆڵیش درووست بكات.
