یاریگا–
ئۆسمان دێمبێلێ، گۆڵکاری فڕەنسی یانەی بارسێلۆنا بە هۆی وەرگرتنی کارتە سوورەکەی لەوانەیە بۆ دوو یاری سزا بدرێت.
رۆژنامەی وەرزشی مارکای ئیسپانیا بڵاویکردۆتەوە، بەرپرسانی بارسا لە ترسی سزادانی هێرشبەرەکەیان و بەشداری نەکردنی لە یاری کلاسیکۆ، دەیانەوێت تانە لە بریارەکەی ناوبژیوان بدەن، چونکە ئەوان پێیانوایە ئەو یاریزانە شایستەی کارتە سوورەکە نەبووە.
دێمبێلێ لە یارییەکەی بەرامبەر سێڤییا بە کارت سوور دەکرا و دەنگۆی ئەوە بڵاوبۆتەوە لاهۆزی ناوبژیوانی یارییەکە لە راپۆرتەکەیدا ئاماژەی بەوە کردووە ئەو یاریزانە سوکایەتی پێکردووە، بۆیە ئەگەر هەیە ئەو یاریزانە بۆ دوو یاری سڕ بکرێت.
