یاریگا
ویلفرێد زاها هێرشبەری فەرەنسی یانەی گالاتەسەرای تورکیا دەبێتە شوێنگرەوەی نێیمار داسیلڤا لە ریزەکانی یانەی هیلالی سعودی.
ماڵپەری Takvimـی تورکی بڵاویکردەوە، بەرپرسانی یانەی هیلالی سعودی لە پەیوەندیدان، لەگەڵ یانەکەی وڵاتەکەیان و دەیانەوێت یاریزانە فەرەنسیەکە وەکو شوێنگرەوەی هێرشبەرە بەڕازیلیەکەیان بگوازنەوە.
زاها هاوینی رابردوو بێ بەرامبەر پەیوەندی بە گالەتەسەرای کرد و لەگەڵ ئەو یانەیە لە خولی سوپەری تورکی، بەشداری 9 یاریکردووە و خاوەنی 4 گۆڵە.
نێیمار داسیلڤا هاوینی رابردوو بە پارەیەکی خەیاڵی پەیوەندی بە یانەی هیلال کرد. بەڵام بەهۆی ئەو پێکانەی تووشی بووە، تاوەکو وەرزی داهاتوو بەشداری هیچ یارییەک ناکات.
