یاریگا –
یانەی یوڤێنتوسی ئیتاڵی لە گواستنەوەكانی زستانەدا دەیەوێت گرێبەست لەگەڵ تۆماس پارتی ئەستێرەی هێڵی ناوەندی هەڵبژاردەی گانا و یانەی ئارسیناڵی ئینگلیزی واژۆ بكات.
بەهۆی بەكارهێنانی وزەبەخشەكانەوە پۆگبا بۆ ماوەیەكی زۆر راگیرا و هەروەها فاجیۆلی بەهۆی گرەوكردنەوە بەهەمان شێوە ماوەیەكی زۆر لە یاریكردن دوورخرانەوە.
هەر بۆیە یانە ئیتاڵییەكە لە هەوڵی گواستنەوەی شوێنگرەوەیەكدایە و دەیەوێت ناوەڕاستكارەكەی گەنەرز بگوازێتەوە.
🚨EXCL: ⚪️⚫️🇬🇭🇵🇱🇮🇹 #SerieA |
◉ Juventus wants Thomas Partey on loan this winter. Cristiano Giuntoli was in London in recent days to meet the player ‼️
◉ Juve are also preparing the next summer transfer window. Piotr Zieliński and Dominico Berardi are two of the top targets… pic.twitter.com/dkF1PpkzEK
— Santi Aouna (@Santi_J_FM) November 17, 2023
بەپێی زانیاریەكانی فوت مێركاتۆ، یوڤێنتوس دەیەوێت تۆماس پارتی رازی بكات بۆ ئەوەی لە گواستنەوەكانی زستانەدا پەیوەندی بە یانەكەیانەوە بكات.
هەمان سەرچاوە ئاشكرایكردووە، كریستیانۆ جیۆنتۆلی بەڕێوەبەری وەرزشی خانمە پیرەكە گەشتی لەندەنی كردووە و لەگەڵ پارتی كۆبوونەتەوە.
لەم وەرزەدا پارتی لەگەڵ گەنەرز لە پرێمەرلیگ تەنیا چوار یاری بەشداری كردووە و وەك یاریزانێكی سەرەكی میكێل ئارتێتا پشتی پێ نابەستێت.
