یاریگا –
ئەلیکساندەر ئیساک، ئەستێرەی نیوکاسڵ یونایتد بەهۆی پێکان، لە هەڵبژاردەی سوید دوورخرایەوە.
لە دوا یاری نیوکاسڵ بەرامبەر وێستهام لە پرێمەرلیگ، ئیساک تووشی پێکان بوو و یاریگای جێهێشت. بەمەش بەشداری لە یارییەکانی هەڵبژاردەی سوید لە پاڵاوتنەکانی یۆرۆی 2024 لە بەرامبەر هەڵبژاردەکانی مۆڵدۆڤا و بەلجیکا ناکات. یەکێتیی تۆپی پێی سوید بڵاویکردووەتەوە
ئەلیکساندەر ئیساک، شاندی هەڵبژاردەی سویدی جێهێشت و بەشداری دوو یاریی داهاتوو ناکات. ئیساک لە یاری نیوکاسڵ بەرامبەر وێستهام تووشی پێکان بوو. لەگەڵ گەیشتنی پشکنینی پزیشکی بۆ کرا و ئێستا دڵنیابووینەتەوە، ئیساک بەشداری یارییەکانی داهاتووی سوید لە بەرامبەر مۆڵدۆڤا و بەلجیکا ناکات.
ئیساک لە هاوینی 2022 بەبڕی 63 ملیۆن پاوەند، پەیوەندی بە ریزەکانی نیوکاسڵەوە کرد، ئێستا بووەتە یاریزانێکی سەرەکی لە پێکهاتەی ئێدی هاو و لەم وەرزەدا، شەش گۆڵی لە حەوت یاریدا کردووە.
نیوکاسڵ لە 21 ئەم مانگە لە سەینت جەیمس پارک میوانداری کریستال پاڵاس دەکات، تاوەکو ئێستا وادەی دوورخستنەوەی ئیساک ئاشکرا نەکراوە.
