کۆلیبالی و هیلال لەسەر وردەکارییەکان رێککەوتن
یاریگا –
هیلالی سعودی و کالیدۆ کۆلیبالی، بەرگریکاری سێنیگالی و چێڵسی گەیشتوونەتە رێککەوتنی کۆتایی.
فابریزیۆ رۆمانۆ لە تویتێکدا، گواستنەوەی کۆلیبالی پشتڕاستکردەوە
چێڵسی و هیلال لەسەر تەواوی بەندەکانی پەیوەست بە گواستنەوەی کۆلیبالی بۆ هیلال رێککەوتوون، کۆلیبالی پشکنینەکانی پزیشکی دەکات و بە فەرمی گرێبەست لەگەڵ هیلال واژۆ دەکات.
کۆلیبالی تەمەن 32 ساڵان لە هاوینی ساڵی 2022 بە بڕی 38 ملیۆن یۆرۆ پەیوەندی بە چێڵسییەوە کرد و بە گوێرەی پێگەی ترانسفەر مارکێت، بەهای کۆلیبالی بریتییە لە 15 ملیۆن یۆرۆ.
وصل بالفعل للسعودية🇸🇦💙. pic.twitter.com/FHqaaxa9DQ
— GOLD (@GO7_1957) June 24, 2023
کۆلیبالی لەگەڵ چێڵسی بەشداری لە 32 یاریدا کرد و دوو گۆڵ و ئەسیستێکی هەیە. پێشتر لەگەڵ ناپۆلی 317 یاری کرد و 14 گۆڵی تۆمار کردبوو.
تاوەکو ئێستا، هیلال گرێبەستی لەگەڵ روبن نێڤێش، ئەستێرەی وۆڵڤز پشتڕاستکردووەتەوە و هێشتا مێرکاتۆی هاوینە بۆ یانە سعودییەکە دانەخراوە.
