پاریس ئامادەكاری بۆ دوورخستنەوەی گالتیێ دەكات
یاریگا –
یانەی پاریس سان جێرمانی فەڕەنسی ئامادەكاری دەكات بۆ دوورخستنەوەی كریستۆڤ گالتیێ راهێنەری فەڕەنسی یانەكەی لە دوای كۆتا یاری ئەم وەرزەیان بەرامبەر كلیرمۆن.
وا بڕیارە ئەمڕۆ كاتژمێر 22:00 بە كاتی كوردستان پاریس سان جێرمان لە یاریگای پارك دی فرانسی تایبەت بە خۆی میوانداری كلیرمۆن بكات لە میانی یارییەكانی هەفتەی 38 و كۆتایی خولی فەڕەنسا.
بەپێی زانیاریەكانی رۆژنامەی لیكیپ یارییەكەی بەرامبەر كلیرمۆن كۆتا یاری گالتیێ دەبێت لەگەڵ پاریس سان جێرمان.
L'aventure de Christophe Galtier sur le banc du PSG va se terminer par la réception de Clermont au Parc des Princes, samedi soir, lors de la 38e et dernière journée de Ligue 1 https://t.co/mLBkd6q5Xd pic.twitter.com/YhN158gWbh
— L'ÉQUIPE (@lequipe) June 2, 2023
رۆژنامەكە ئاماژەی بەوەشكرد ئەمەش بەو مانایە دێت كە كریستۆڤ گالتیێ پابەند نابێت بەو ماوەیەی كە لە گرێبەستەكەی لەگەڵ پاریس سان جێرمان ماویەتی كە سالێكی دیكە لە گرێبەستەكەی ماوە.
شەوی رابردوو یانە فەڕەنسیەكە بە شێوەیەكی فەرمی رۆیشتنی سێرجیۆ رامۆسی راگەیاند دوای كۆتاییهاتنی گرێبەستەكەی.
