پێكهاتەی پێشبینیكراوی یارییەكەی ریال مەدرید و مانچێستەر سیتی

یاریگا –

پێكهاتەی پێشبینیكراوی هەردوو راهێنەر كارلۆ ئانچێلۆتی ئیتاڵی و راهێنەری یانەی ریال مەدریدی ئیسپانی و پێپ گواردیۆلای ئیسپانی و راهێنەری یانەی مانچێستەر سیتی ئینگلیزی بۆ یارییەكەی نێوانیان.

وا بڕیارە ئەمڕۆ سێشەممە كاتژمێر 22:00 بە كاتی كوردستان ریال مەدرید لە یاریگای سانتیاگۆ بێرنابیۆ میوانداری مانچێستەر سیتی بكات ، لە میانی یاری چوونی قۆناخی پێش كۆتایی خولی یانە پاڵەوانەكانی ئەوروپا.

ریال مەدرید لە قۆناخی چارەكی كۆتایی رووبەڕووی چێڵسی بوویەوە و بە ئەنجامی هەردوو یاری هاتن و چوون چوار بە سفر شكستی پێهێنا و خۆی گەیاندە ئەم قۆناخە.

مانچێستەر سیتی لە قۆناخی چارەكی كۆتایی رووبەڕووی بایرن میونش بوویەوە و بە ئەنجامی هەردوو یاری چوار بە یەك شكستیپێهێنا و خۆی گەیاندە قۆناخی پێش كۆتایی.

بۆ ئەو یاریە یانە شاهانەكە لە تواناكانی هەریەك لە ئیدێر میلیتاو بەهۆی راگیرانەوە و فێرلاند مێندی بەهۆی پێكانەوە بێ بەش دەبێت، لە بەرامبەردا سیتیزن لە تواناكانی ناسان ئاكێ بێ بەش دەبێت بەهۆی پێكانەوە.

پێكهاتەی پێشبینیكراوی ریال مەدرید:

گۆڵپارێز: تیبۆ كۆرتوا

هێڵی بەرگری: كارڤاخال، رۆدیگەر ، ئالابا ، كامافینگا

هێڵی ناوەند: ڤاڵڤێردی ، كرووس ، مۆدریچ

هێڵی هێرشبردن: رۆدریگۆ ، بێنزێما ، ڤینیسیۆس

پێكهاتەی پێشبینیكراوی مانچێستەر سیتی:

گۆڵپارێز: ئێدەرسۆن

هێڵی بەرگری: ئاكانجی ، دیاز ، والكەر

هێڵی ناوەند: ستۆنز، رۆدری ، گوندۆگان ، دی برۆین

هێڵی هێرشبردن: گریلیش ، هالاند ، بێرناردۆ سێلڤا