کریسپۆ باس لەو هۆکارانە دەکات کە وادەکەن میلان لە ناپۆلی بباتەوە

یاریگا –

هێرنان کریسپۆی روونی دەکاتەوە بۆچی میلان پاڵوراوەی سەرەکییە بۆ بردنەوەی یارییەکەی ئەمشەو بەرامبەر بە ناپۆلی.

ئەمشەو هەردوو یانەی ئەیسی میلان و ناپۆلی لە قۆناخی چارەکی کۆتایی چامپیۆنزلیگ رووبەڕوو دەبنەوە، کریسپۆی ئەرجەنتنی و هێرشبەری پێشووی میلان باس لە هۆکارەکانی بردنەوەی میلان دەکات لەم یارییەدا.

کریسپۆ لە لێدوانێکی بۆ رۆژنامەی لاگازێتا دیلۆ سپۆرت گوتی:

میلان یانەی دڵخوازمە، گڕ و تینی هاندەرانی سانسیرۆ پاڵنەرێکی گەورەن بۆ میلان، بردنەوە گەورەکەی سێریا ئەیش متمانەی زۆری بە تیپەکەی پیۆلی بەخشیووە.

لە درێژەی قسەکانیدا گوتی:

پێشبینی دەکەم میلان بە فشارێکی بەرز یاری بکات، هەروەها جارێکی تر بەشێوەی مان تو مان لەگەڵ لۆبۆتکا یاری بکەن.

کریسپۆ باسی لە دوو یاریزانی یەکلاکەوەی میلان کرد و گوتی:

لیاو دەتوانێت هێڵی بەرگری ناپۆلی تێکبشکێنێت، تۆنالیش هاوسەنگی هێڵئ ناوەڕاستی یاریگا رادەگرێت.

براوەی هەردوو یاری نێوان میلان و ناپۆلی لە قۆناخی پێش کۆتایی خولەکە بەرامبەر براوەی یاری نێوان ئینتەر میلان و بێنفیکا یاری دەکات، پێشبینیش دەکرێت یەکێک لە یانە ئیتاڵیەکان بگاتە یاری کۆتایی بەهۆی شکستی شەوی رابردووی بێنفیکا بەرامبەر بە ئینتەر میلان.