یاریگا –
كریستیان ئیریكسن ئەستێرەی هەڵبژاردەی دانیمارك و یانەی مانچێستەر یونایتدی ئینگلیزی گەڕایەوە مەشق و راهێنانەكانی یانەكەی پێش یارییەکەیان بەرامبەر ئێڤەرتۆن.
وا بڕیارە سبەینێ شەممە كاتژمێر 14:30 بە كاتی كوردستان مانچێستەر یونایتد لە یاریگای ئۆلد ترافۆردی تایبەت بە خۆی میوانداری ئێڤەرتۆن دەكات لە میانی یارییەكانی هەفتەی 30 خولی ئینگلیزیدا.
هەژماری فەرمی مانچێستەر یونایتد لە تۆڕی كۆمەڵایەتی توویتەر چەند وێنەیەكی كریستیان ئیریكسنی لە راهێنانەكانی یانەكەی بڵاوكردووەتەوە.
Look who we saw at Carrington 👀#MUFC pic.twitter.com/7FLgAkw0Ze
— Manchester United (@ManUtd) April 6, 2023
ئەستێرە دانیماركیەكە لە میانی بەشداریكردنی لە یارییەكەیان بەرامبەر ریدینگ لە جامی یەكێتی ئینگلتەرا لە پاژنەی پێیدا تووشی پێكان بوو بەهۆیە دوو مانگ لە یاریگاكان دووركەوتەوە.
چاوەڕواندەكرا لە سەرەتای مانگی پێنج ئێریكسن بگەڕێتەوە راهێنانەكان بەڵام گەڕانەوەی یاریزانەكە پێشكەووت.
بەپێی سەرچاوە ئینگلیزیەكان یاریزانە دانیماركیەكە ئامادەیە بۆ یاریكردن بە شێوەیەكی ئاسایی بەرامبەر ئێڤەرتۆن.
لەم وەرزەی خولی ئینگلیزیدا ئێریكسن بەشداری لە 19 یاریدا كردووە و گۆڵێكی تۆمار كردووە و حەوت گۆڵیشی درووست كردووە.
