یاریگا
راپۆرتە رۆژنامەوانییەکان ئاشكرایانكرد یانەی ریال مەدریدی ئیسپانی ڤیكتۆر ئۆسیمین هێرشبەری نەیجیری یانەی ناپۆلی ئیتاڵی دەستنیشانكردووە بۆ شوێنگرتنەوەی كەریم بێنزیمای فەڕەنسی و ئەستێرەی یەكەمی یانەكەی.
ریال مەدرید بە دوای شوێنگرەوەیەكدا دەگەڕێت بۆ جێگای بێنزێما لە كاتێكدا كە هێرشبەرە فەڕەنسیەكە توانای جەستەیی ئەوەی نەماوە كە 90 خولەك لە هەموو یاریەكدا بەشداری بكات.
كالچیۆ مێركاتۆ ئاشكرایكردووە یانە شاهانەكە ئامانجی سەرەكی خۆی دیاریكردووە و ناوی ڤیكتۆر ئۆسیمین لە سەر مێزی یانەكەیە و ئامانجی سەرەكیان گواستنەوەی هێرشبەرەكەی ناپۆلی دەبێت لە هاوینی داهاتوودا.
لەم وەرزەدا هێرشبەرە نەیجیریەكە ئاستێكی بێ وێنەی لەگەڵ یانەكەی پێشكەشكردووە بە جۆرێك لە 23 یاریدا بەشدرای لە 21 گۆڵ كردووە لەم وەرزەی سێریا ئەی و گۆڵكاری یەكەمی خولەكەیە.
🎖️ Osimhen has been named Player of the Month by @assocalciatori.
Congratulations, Victor!
💙 #ForzaNapoliSempre #TuttoPerLeipic.twitter.com/vLZyqccaU3
— Official SSC Napoli (@en_sscnapoli) March 8, 2023
هەروەها یانە ئیتاڵیەكەش نرخی هێرشبەرەكەی بە 170 ملیۆن یۆرۆ دیاریكردووە بۆ ئەو یانەیەی دەیەوێت بیگوازێتەوە.
لە ساڵی 2020 ئۆسیمین لە یانەی لیل ـی فەڕەنسیەوە پەیوەندی بە ریزەكانی ناپۆلی كرد بە بڕی 75 ملیۆن یۆرۆ.
