یاریگا
پێگەی ترانسفەرماركێت لیستێكی نوێی گرانبەهاترین یاریزانەكانی جیهانی بڵاوكردەوە.
كیلیان ئێمباپێ، ئەستێرەی فەڕەنسی یانەی پاریس سان جێرمان لە پێشەنگی لیستی گرانبەهاترین یاریزانەكان دێت و ئێرلینگ هالاندی نەرویجی و ئەستێرەی یانەی مانچێستەر سیتیش لە پلەی دووەم دێت.
ئێمباپێ بە 180 ملیۆن یۆرۆ لە پێشەنگی گرانبەهاترین یاریزانەكان دێت و لە دوای ئەویش هالاند دێت بە 170 ملیۆن یۆرۆ.
ئێمباپێ سەركردایەتی هەڵبژاردەی فەڕەنسای كرد بۆ گەیشتنیان بە یاری كۆتایی جامی جیهانی و لەو یاریەشدا توانی هاتریك بكات بەڵام هەڵبژاردەكەی بە لێدانی یەكلاكەرەوە دۆڕا بەرامبەر ئەرجەنتین، بە هەشت گۆڵ كیلیان بوو بە گۆڵكاری جامی جیهانی 2022ی قەتەڕ و پێڵاوی ئاڵتونی بردەوە.
هەروەها هالاند لەم وەرزەدا بەشداری لە 44 گۆڵ كردووە لە 36 یاریدا لەگەڵ مانچێستەر سیتی لە سەرجەم پاڵەوانیەتیەكان.
لیستی گرانبەهاترین یاریزانەكانی جیهان:
- كیلیان ئێمباپێ 180 ملیۆن
- ئێرلینگ هالاند 170 ملیۆن
- ڤینیسیۆس جۆنیۆر 120 ملیۆن
- بیلینگهام 110 ملیۆن
- بوكایۆ ساكا 110 ملیۆن
- فیل فۆدین 110 ملیۆن
- پێدری 100 ملیۆن
- جەمال موسیالا 100 ملیۆن
- ڤیكتۆر ئۆسیمین 100 ملیۆن
- فیدریكۆ ڤاڵڤێردی 100ملیۆن
- گاڤی 90 ملیۆن
- چوامینی 90 ملیۆن
- هاری كەین 90 ملیۆن
- ئینزۆ فێرناندێز 85 ملیۆن
- كڤاراستخیلیا 85 ملیۆن
