لاپۆرتا: ئێمە بیر لە فرۆشتنی ئانسۆ فاتی ناکەینەوە
یاریگا
خوان لاپۆرتا، سەرۆكی یانەی بارسێلۆنای ئیسپانی دووپاتیكردەوە كە لە ئێستادا یانەكە بیر لە فرۆشتنی ئانسۆ فاتی ئەستێرەی لاوی یانەكە ناكاتەوە.
زۆربەی راپۆرتە رۆژنامەوانیەكان دووپاتیانكردەوە كە فاتی دەیەوێت لە هاوینی داهاتوودا ریزەكانی یانەی بارسێلۆنا جێبهێڵت تا بەشداری لە خولەكی زیاتری یارییەكان بكات و مانچێستەر یونایتدیش گرنگی بە گواستنەوەی یاریزانەكە دەدات.
لە لێدوانێكی رۆژنامەوانیدا كە رۆژنامەی سپۆرت بڵاویكردووەتەوە لاپۆرتا گووتی: لە ئێستادا ئێمە بیر لە فرۆشتنی فاتی ناكەینەوە، یاریزانەكە لێرە خۆشەویستە، ناتوانم پێشبینی ئەوە بكەم لە داهاتوودا چی روودەدات.
هەروەها سەرۆكی یانە كەتەلۆنییەكە گووتیشی: كە بەڕێوەبەری كارەكانی یاریزانەكە رایگەیاندووە كە یانە هەیە گرنگی بە گواستنەوەی فاتی دەدات.
لە كۆتایشدا لاپۆرتا ئاماژەی بەوەكرد: ئەوە روونە كە دەیەوێت لێرە لە بارسێلۆنا سەركەوتوو بێت.
گرێبەستەكەی لاوە 20 ساڵانەكە لەگەڵ بارسێلۆنا لە هاوینی ساڵی 2027 بەسەردەچێت و بڕی هەڵوەشاندنەوەی گرێبەستەكەشی یەك ملیار یۆرۆیە.
