یاریگا-
نەیمار جۆنیۆر، ئەستێرەی هەڵبژاردەی بەڕازیل و یانەی پاریس سان جێرمانی فەڕەنسی ژمارەیەكی پێلێ ئەفسانەی پێشووی هەڵبژاردەكەی یەكسان كردەوە.
هەڵبژاردەی كرواتیا و بەڕازیل لە قۆناغی چارەكی كۆتایی جامی جیهانی 2022ی قەتەڕ ڕووبەڕووبووی یەك بوونەوە و یاریەكەش بە لێدانی یەكلاكەرەوە لە بەرژەوەندی كرواتیەكان كۆتایی هات.
نەیمار توانی گۆڵی یەكەمی سامبا تۆمار بكات لە گێمی یەكەمی زیادكراودا و پاشان كرواتیا ئەنجامەكەیان یەكسان كردەوە.
بە تۆماركردنی ئەو گۆڵە نەیمار كۆی گۆڵەكانی لەگەڵ سامبا بۆ 77 گۆڵ بەرزكردەوە و بەوەش ژمارەكەی پێشووی پێلێی یەكسان كردەوە وەك گۆڵكاری مێژووی هەڵبژاردەكەیان.
