دی خیا دەیەوێت لە مانچێستەر بمێنێتەوە

یاریگا–
داڤید دی خیا، گۆڵپارێزی ئیسپانی یانەی مانچێستەر یونایتدی ئینگلیزی ئامادەیە گرێبەستەکەی لەگەڵ یانەکەی نوێ بکاتەوە.

لە دیمانەیەکدا لەگەڵ رۆژنامەی Manchester Evning News گۆڵپارێزە ئیسپانیەکە دەڵێت “ دەمەوێت ساڵانێکی دیکە لەگەڵ یانەکەم بەردەوام بم و ناسناو و دەستکەوتی زیاتر بەدەست بێنم “. ئەم قسانە گۆڵپارێزەکەی شەیتانە سوورەکان لە کاتێکدا ماوەی رابردوو دەنگۆیەک هەبوو دەیەوێت یانەکەی جێبێڵێت.

دی خیا ئەم وەرزە گرێبەستەکەی لەگەڵ مان یونایتد کۆتایی دێت و یەکێکە لەو یاریزانانەی خاوەنی بەرزترین مووچەیە لە یانەکەی.