فەرمی: دیست پەیوەندی بە ئەی سی میلانەوە كرد

یاریگا-

یانەی بارسێلۆنای ئیسپانی ڕایگەیاند كە سێرجینۆ دیستی ئەمریكی و یاریزانی یانەكەی پەیوەندی بە ڕیزەكانی ئەی سی میلانەوە كرد.

هەردوو یانە گەشتنە ڕێككەوتن لەسەر گواستنەوەی دیست بە شێوەی خواستن و بۆ ماوەی وەرزێك.

هەژماری فەڕمی میلان لە تۆڕی كۆمەڵایەتی تویتەر دوای ئەنجامدانی پشكنینە پزیشكیەكان لەلایەن یاریزانەكەوە گرێبەستی یاریزانە ئەمریكیەكەیان ڕاگەیاند.

دیست بۆ ماوەی دوو وەرز لەگەڵ بارسێلۆنا 72 یاری ئەنجامدا و سێ گۆڵی تۆماركرد و چوار گۆڵیشی درووست كرد.