یاریگا–
شەوی رابردوو دوای یانەی ئەیسی میلانی ئیتاڵیا نازناوی ئەم وەرزەی سێریائەی یەکلایی کردەوە، سێ کەس میدالیای ستێفانۆ پیۆلی راهێنەری ئەو یانەیان دزی.
گابریێلی مارکۆتی رۆژنامەنوسی ئیتاڵی ئاشکرای کردووە، شەوی رابردوو سێ کەس میدالیای راهێنەرەکەی رۆسێنەریان دزیوە و، هەر دوای یارییەکەش وێنەی خۆیان لە تۆڕی کۆمەڵایەتی ئینستاگرام بڵاوکردەوە و ميدالیاکەشیان بۆ فرۆشتن بە شێوازی ئۆنلاین داناوە.
ئەیسی میلان لە دوایین یاری ئەم وەرزەی سێریائەی، ناسناوی خولەکەی دوای 11 ساڵ جارێکی دیکە بردەوە.
