ناوبژیوانی یاری نێوان ڕیاڵ مەدرید و مانچێستەر سیتی دەستنیشانكرا

یاریگا-

یەكێتی تۆپی پێی ئەوروپا یوفا ناوبژیوانی یاری گەڕانەوەی نێوان ڕیاڵ مەدرید و مانچێستەر سیتی دەستنیشانكرد.

وا بڕیارە ڕۆژی چوارشەممە كاتژمێر 22:00 بە كاتی كوردستان ڕیاڵ مەدرید لە یاریگای خۆیدا میوانداری مانچێستەر سیتی بكات لە میانەی یاری گەڕانەوەی قۆناغی پێش كۆتایی خولی یانە پاڵەوانەكانی ئەوروپادا.

یاری چوون لە نێوان هەردوو یانە بە بردنەوەی مانچێستەر سیتی بە چوار گۆڵ بەرامبەر سێ گۆڵ كۆتایی هات ، گۆڵەكانی سیتی لەلایەن هەریەك لە یاریزانان دی برۆین ، خیسۆس ، فۆدین ، بێرناردۆوە تۆمار كران و گۆڵەكانی ڕیاڵیش لەلایەن بێنزیما دوو گۆڵ و ڤینیسیۆسەوە تۆمار كران.

یوفا ناوبژیوانی ئیتاڵی دانێلی ئۆرساتۆی وەك ناوبژیوانی ئەو یاریە دەستنیشانكرد.

ئەو ناوبژیوانە پێشتر پێنج جار ناوبژیوانی یاری ڕیاڵ مەدریدی كردووە لە دوو یاریدا مەدرید براوە بووە و لە سێ یاریدا شكستی هێناوە.

ڕیاڵ مەدرید 8-0 ماڵمۆ (15/16)
‏ گالاتاسەرای 0-1 ڕیاڵ مەدرید (19/20)
‏ ڕیاڵ مەدرید 1-2 مانچێستەر سیتی (19/20)
‏ چێڵسی 2-0 ڕیاڵ مەدرید (20/21)
‏ پاریس 1-0 ڕیاڵ مەدرید (21/22)