فەرمی: خانمانی بارسێلۆنا بوونە پاڵەوانی لالیگا

تیمی خانمانی بارسێلۆنا بەردەوامە لە ئاستە بەرزەکەی و توانییان بۆ حەوتەمین جار ناسناوی خولی ئیسپانی مسۆگەربکەن.

لە یارییەکانی گەڕی ٢٤دا، بە ئەنجامی ٥-٠ شکستییان بە خانمانی ریاڵ مەدرید هێنا، بەوەش ٢٤هەمین سەرکەوتنی دوای یەکیان مسۆگەرکرد و بە شەش هەفتە  پێش کۆتایی خولەکە بوونە پاڵەوان.

بارسا هیچ یارییەکی نەدۆڕاندووە و بەرامبەرنەبوون،  ١٣٦ گۆڵیان تۆمارکردووە و تەنها شەش گۆڵیان لێ تۆمارکراوە. تەنها هەشت ساڵە لالیگای خانمان بەڕێوەدەچێت و حەوت جار بوونەتە پاڵەوان.