یاریگا-
یانەی بارسێلۆنای ئیسپانی نزیكە لە یەكلاكردنەوەی یەكەمین گرێبەستی خۆی لە گواستنەوەكانی هاوینی داهاتوودا.
بارسێلۆنا چاوی لەسەر تواناكانی ئەندریاس كریستینسنی دانیماركی و بەرگریكاری یانەی چێڵسی ئینگلیزیە بەمەبەستی پتەوكردنی هێڵی بەرگری یانەكەی.
گرێبەستەكەی كریستینسن لە هاوینی ئەمساڵدا بەسەردەچێت و یاریزانەكە بە خۆڕایی دەتوانێت هەر یانەیەك بیەوێت پەیوەندی پێوە بكات.
بەپێی زانیاریەكانی ڕۆژنامەی مۆندۆ دیپۆرتیڤۆی ئیسپانی ماتیۆ ئەلیمانی و جۆردی كرۆیڤ سەفەری لەندەن دەكەن بەمەبەستی یەكلاكردنەوە و كۆتاییهێنان بە گرێبەستەكە.
هەمان سەرچاوە ئاشكرایكردووە وەفدەكەی بارسێلۆنا لەم هەفتەدا لەگەڵ بەڕێوەبەری كارەكانی یاریزانەكە كۆدەبنەوە و كۆتایی بە گرێبەستەكە دەهێنن.
