بارسێلۆنا لەسەر گواستنەوەی لاوێکی بەهرەمەند گەیشتە رێککەوتن
یاریگا –
بارسێلۆنا بەردەوامە لە چالاکی گواستنەوەکانی هاوینە و ئەم جارە لاوێکی بەهرەمەند پەلکێشی کامپ نۆو دەکات.
دوای بووژانەوەی دۆخی ماددی بارسێلۆنا کە لە چەند ساڵی رابردوودا پێوەی گرفتاربوون بەهۆی نایەکسانی لە خەرجی و داهاتدا، یانە کەتەلۆنیەکە وەرزی رابردوو بە گەڕانەوە بۆ یارگاکەی خۆی و بردنەوەی نازناو، توانی بڕە پارەی پێویستی دەستبکەوێت بۆ چالاکیەکانی گواستنەوە لەم هاوینە. تا ئێستا ئانتۆنی گۆردنی بەفەرمی لە نیوکاسڵەوە گواستووەتەوە و راگەیاندنی کەریم ئادیمێ بورسیا دۆرتموندیش لە کاتژمێرەکانی داهاتوودا رادەگەیەنێت.
بەگوێرەی زانیارییەکانی فابریزیۆ رۆمانۆ، بارسا لەگەڵ کڵەب بروج گەیشتووەتە رێککەوتن بۆ گواستنەوەی جێسی بیسیو لەو یانەیە.
جێسی تازە تەمەنی 18 ساڵە و لە باڵی چەپ یاریی دەکات. رێککەوتنی نێوان بارسا و کلەب بروج ئێستا لە قۆناخی ئاڵوگۆڕی پەڕاوە فەرمیەکاندایە بۆ گواستنەوەی لاوەی بەلجیکیەکە.
سەربارەت بە تێچووی گرێبەستەکە، رۆمانۆ ئاشکرایکردووە بەهاکەی 8.5 ملیۆن یۆرۆی جێگیرە، لەگەڵ رێژەی 20٪ی نرخی فرۆشی داهاتووی جێسی.
🚨🔵🔴 Barcelona seal the agreement to sign Jesse Bisiwu from Club Brugge, here we go!
Clubs now exchanging documents for 18 year old winger to join Barça. 🇧🇪
Understand fee is €8.5m fixed plus 20% sell-on clause.
Another one for Deco & João Amaral’s talents project. pic.twitter.com/wJMPFg4b90
— Fabrizio Romano (@FabrizioRomano) July 21, 2026
