یاریگا-
چاڤی هێرناندێزی ئیسپانی و ڕاهێنەری یانەی بارسێلۆنای هەمان وڵات یاریزانێكی ئەتلەتیكۆ مەدریدی دەوێت.
بەپێی زانیاریەكانی ڕۆژنامەی سپۆرتی ئیسپانی چاڤی سائول نیگێزی یاریزانی ئەتلەتیكۆ مەدریدی دەوێت كە ئێستا لە چێڵسی بە خواستن یاری دەكات.
هەمان سەرچاوە ئاشكرایكردووە لە گواستنەوەكانی زستانەدا ناوی سائول بە بارسێلۆناوە بەسترابوویەوە و چاڤی ئەو یاریزانەی دەوێت چونكە دەتوانێت لە چەند شوێنێكی یاریگادا یاری بكات و بژاردەیەكی باشە بۆ یانەكەی.
سائول بەشێوەی خواستن پەیوەندی بە چێڵسیەوە كرد لەگەڵ مافی كڕینەوەی بە 40 ملیۆن یۆرۆ ،بەڵام یانە لەندەنیەكە نایەوێت یاریزانەك بكڕێت و دوای تەواو بوونی ماوەی خواستنەكەی دەگەڕێتەوە ڕۆخی بلانكۆس.
