یاریگا-
ئەنسۆ فاتی ئیسپانی و ئەستێرەی یانەی بارسێلۆنای هەمان وڵات دەیەوێت بۆ كلاسیكۆی داهاتوو بگەڕێتەوە یاریكردن.
بەپێی زانیاریەكانی ڕۆژنامەی سپۆرت دوای ئەوەی فاتی بڕیاری دا نەشتەرگەری ئەنجام نەدات هیچ وادەیەكی گەڕانەوەی دیاری نەكراوە بەڵام یاریزانەكە هەوڵ دەدات بە زووترین كات بگەڕێتەوە یاریكردن.
هەمان سەرچاوە ئاشكرایكردووە كە فاتی بە پزیشكەكانی ڕاگەیاندووە مانگێكی پێویستە و دواتر دەتوانێت بگەڕێتەوە یاریكردن و یاریزانەكە هەست بە هاندان دەكات و گەشبینە.
وا بڕیارە 20ی مانگی 3 ڕیاڵ مەدرید لە یاریگای سانتیاگۆ بێرنابیۆ میوانداری بارسێلۆنا بكات.
