پاریس گرێبەستی یاریزانێکی دەکاتە هەمیشەیی

یاریگا-پاریس سان جێرمان خۆی یەکلاکردووەتەوە گرێبەستی خواستنی نونۆ مێندێز بکاتە هەمیشەیی.

پاش ئەو ئاستە بەرزەی شەوی رابردوو بەرامبەر ریاڵ مەدرید نیشانیدا، ئەمڕۆ فابریزیۆ رۆمانۆی رۆژنامەنووسی ناودار رایگەیاند پاریس سان جێرمان ئەو بەندەی گرێبەستەکەی نونۆ مێندێز کارا دەکات کە دەیکاتە یاریزانی هەمیشەیی یانەکە.

ناوبراو هاوینی ئەمساڵ بە خواستن لە سپۆرتینگ لیشبۆنەوە بەرامبەر بە ٧ ملیۆن یۆرۆ روویکردە پاریس بەڵام مافی ئەوەیان هەیە بە ٤٠ ملیۆن یۆرۆ بەیەکجاری بیگوازنەوە.

نونۆ لەسەر گرێبەستەکەی خۆی رێککەوتووە لەگەڵ پاریس و بۆ ماوەی پێنج وەرز دەبێت.