یاریگا-
ڕاپۆرتە ڕۆژنامەوانیەكانی ئیسپانیا ئاشكرایانكرد یەكێك لە چوار كاپتنەكەی بارسێلۆنا نزیكە لە جێهێشتنی یانەكەی.
بەپێی زانیاریەكانی ڕۆژنامەی مۆندۆ دیپۆرتیڤۆی ئیسپانی ڕۆبێرتۆ گرێبەستەكەی لەگەڵ بارسێلۆنا نوێ ناكاتەوە و لە هاوینی 2022 یانەكەی جێدەهێڵێت.
گرێبەستەكەی سێرجی ڕۆبێرتۆ لەگەڵ بارسێلۆنا لە هاوینی ئەمساڵدا بەسەردەچێت و تا ئێستا نەگەشتووەتە ڕێككەوتوون لەگەڵ یانەكەی بۆ نوێكردنەوەی گرێبەستەكەی.
بەڕێوەبەری كارەكانی یاریزانە ئیسپانیەكە و ماتیۆ ئەلیمانی پێشتر كۆبوونەتەوە بەڵام نەگەشتوونەتە ڕێككەوتن بۆ نوێكردنەوەی گرێبەستەكەی.
ڕۆبێرتۆ لەم وەرزەدا لەگەڵ بلاوگرانا بەشداری لە نۆ یاری كردووە دوو گۆڵی تۆمار كردووە و گۆڵێكیشی درووست كردووە لە سەرجەم پاڵەوانیەتیەكاندا.
