یاریگا-
خوان لاپۆرتای سەرۆكی یانەی بارسێلۆنای ئیسپانی دووپاتیكردەوە كە ئەنسۆ فاتی هێرشبەری لاوی یانەكەیان ناتوانێت لە یاری بایرن میونشن بەشداری بكات.
وا بڕیارە چوار شەممەی داهاتوو كاتژمێر 23:00 بە كاتی كوردستان بارسێلۆنا ببێتە میوانی بایرن میونشن لە كۆتا یاری هەفتەی قۆناغی كۆمەڵەكانی خولی یانە پاڵەوانەكانی ئەوروپا ، لەو یاریەدا بۆ گەشتن بە قۆناغی داهاتوو بارسێلۆنا پێوویستی بە بردنەوەیە.
لە چاوپێكەوتنێكیدا لەگەل tv3 لاپۆرتا ووتی: فاتی دەیەوێت لە یاری بایرن بەشداری بكات ، بەڵام پزیشكەكان پێیان ووتین ئامادە بوونی سەختە و ناتوانێت سەفەری میونیخ بكات.
سەبارەت بە دیمبلی ووتی: دیمبلی دەیەوێت بمێنێتەوە ، من ئەوە دەزانم ، پەیوەندیمان زۆر باشە لەگەڵی ، بە ڕای من ئەو بەشێكی سەرەكیە و دەمەوێت بمێنێتەوە ، هەروەها ئەوە ئاشكرایە كە دیمبلی لە ئیمباپێ باشترە.
