یاریگا-
نەیمار دا سێلڤای بەڕازیلی و ئەستێرەی یانەی پاریس سان جێرمانی فەڕەنسی لە یاریەكەیان بەرامبەر سانت ئیتیان تووشی پێكان هات.
سانت ئیتیان لە یاریگای خۆیدا میوانداری پاریسی كرد و یانەی میوان توانی بە سێ گۆڵ بەرامبەر گۆڵێك یاریەكەی لێ بباتەوە ، لە میانەی یاریەكانی هەفتەی 15ی خولی فەڕەنسیدا.
لە خولەكی 84ی یاریەكەدا نەیمار تووشی پێكانێكی سەخت هات و بەهۆیەوە یاریگای جێهێشت.
بەپێی زانیاریەكانی ڕادیۆی مۆنتی كارلۆ یاریزانەكە ئەمڕۆ دووشەممە پشكنینەكان ئەنجام دەدات بۆ دیاریكردنی جۆری پێكانەكەی و ماوەی دووركەوتنەوەی لە یاریگاكان.
هەمان سەرچاوە ئاشكرایكردووە لە پشكنینە سەرەتاییەكاندا دەركەوتووە كە پاژنەی چەپی هەڵگەڕاوە و بەوەش ماوەی نزیكەی شەش هەفتە لە یاریگاكان دووردەكەوێتەوە.
