یاریگا-یانەکانی ئەیسی میلان و فیۆرەنتینای ئیتاڵی دەیانەوێت لوکا یۆڤیجی هێرشبەری ریاڵ مەدرید بەدەست بهێنن.
رۆیشتنی یاریزانە سڕبییەکە بە رێژەیەکی زۆر یەکلابووەتەوە و چەند یانەیەکیش لەسەر هێڵن. هاوینی رابردوو نزیک بوو لە رۆیشتن سەرەنجام مانەوەی هەڵبژارد بەو هیوای متمانەی کارلۆ ئەنشلۆتی بەدەست بهێنێت بەڵام لەو کارەدا سەرکەوتوونەبوو.
یۆڤیج مانگی داهاتوو دەبێتە ٢٤ ساڵ و جگە لەو دوو یانە ئیتاڵییە، ئینتراخت فرانکفۆرتی ئەڵمانیش دەیەوێت ئەو یاریزانە بگەڕێنێتەوە یانەکە.
یۆڤیج لەم وەرزەدا لە سەرجەم خولەکان تەنها ٩٥ خولەک یاری کردووە و رۆیشتنی بە خواستن ئەگەرێکی دیکەیە.
