یاریگا–
کەریم بێنزێما، هێرشبەری فەرەنسی یانەی ریال مەدریدی ئیسپانیا، یەکێک لە پاڵێوراوانی بەدەستهێنانی خەڵاتی بالۆن دۆرە بۆ ساڵی 2021 کە بریارە کۆتایی ئەم مانگە خەڵاتەکە پێشکەش بە براوە بکرێت.
عومەر دێ فانسێکا یاریزانی پێشووی هەڵبژاردەی ئارجێنتینا لە کەناڵی بین سپۆرتسی قەتەری لەبارەی پاڵێوراوانی خەڵاتی بالۆن دۆر دەڵێت ” یاریزانە فەرەنسیەکەی شاهانەکان زۆرترین چانسی هەیە بۆ بەدەستهێنانی، ئەو یاریزانە لەمساڵدا توانیویەتی ئاستێکی باش پێشکەش بکات و، لە دوای ئەویش رۆبێرت لێڤاندۆڤسکی و لیۆنێل مێسی دێن ”.
ئەو یاریزانەی پێشووی تانگۆ لەبەردەوامی قسەکانیدا ئاماژەی بەوەش کردووە کە بێنزێما لەگەڵ هەڵبژاردەی وڵاتەکەیشی ئاستێکی باش پێشکەش کردووە، بۆیە شایستەی بەدەستهێنانی خەڵاتەکەیە.
