یاریگا-
ڕاپۆرتە ڕۆژنامەوانیەكانی ئیسپانیا ئاشكرایانكرد یانەی پاریس سان جێرمانی فەڕەنسی لە ماوەی دواییدا هەوڵی گواستنەوەی ئەنسۆ فاتی ئیسپانی و ئەستێرەی لاوی یانەی بارسێلۆنایان داوە.
هێرشبەرە لاوەكەی بلاوگرانا بەشێوەیەكی فەرمی گرێبەستەكەی تا ساڵی 2027 لەگەڵ یانەكەی نوێكردەوە و بڕی هەڵوەشاندنەوەی گرێبەستەكەشی یەك ملیار یۆرۆیە.
فاتی چەندین جار دووپاتیكردووەتەوە كە دەیەوێت لەگەڵ بارسێلۆنا بۆ ماوەیەكی دوور و درێژ بەردەوام بێت.
بەپێی زانیاریەكانی ڕۆژنامەی مۆندۆ دیپۆرتیڤۆی ئیسپانی فاتی چەندین ئۆفەری بۆ گواستنەوەی بۆ هاتووە و پاریس سان جێرمانیش یەكێك بووە لەو یانانەی هەوڵی گواستنەوەی یاریزانەكەی داوە.
هەمان سەرچاوە ئاشكرایكردووە پاریس ئامادە بووە بڕی 30 ملیۆن یۆرۆ وەك موچەی ساڵانە بداتە یاریزانەكە ، بەڵام یاریزانەكە ڕەتیكردووەتەوە و مانەوەی لە بارسا هەڵبژاردووە.
