یاریگا–
کەریم بێنزێما، هێرشبەری هەڵبژاردەی فەرەنسا و یانەی ریال مەدریدی ئیسپانیا نایشارێتەوە، بەدەستهێنانی خەڵاتی بالۆن دۆر، هەمیشە خەونی ئەو بووە.
یاریزانە فەرەنسیەکەی شاهانەکان لە دیمانەیەکدا لەگەڵ ElTraduct دەڵێت ” لەو کاتەی کە گەنج بووم، هەمیشە خەونم بەدەستهێنانی خەڵاتی بالۆن دۆر بوو، ئێستاش کە ناوم لە لیستەکەدایە هەست بە خۆشیەکی زۆر دەکەم، بەڵام گرنگترین شت بۆ من ئەوەیە خزمەتی هەڵبژاردە و یانەکەم بکەم، بۆ ئەوەی خەڵاتەکە بەدەست بێنم “.
بێنزێما لە بەشێکی دیکەی دیمانەکەیدا سەبارەت بە کلاسیکۆی داهاتوو بەرامبەر بارسێلۆنا دەڵێت ” راستە لەم یارییەش مێسی ئامادە نابێت، بەڵام گرنگ نیە لە کلاسیکۆ کێ بەشداری دەکات، چونکە ئەو یارییە هەمیشە گرنگی خۆی هەیە “.
