یاریگا–
ئانسۆ فاتی، هێرشبەرە لاوەکەی یانەی بارسێلۆنای ئیسپانیا ماوەیەکی درێژە بەهۆی پێکان لە یاریگاکان دوور کەوتووەتەوە و دوای ئەنجامدانی نەشتەرگەریش ماوەیەکە راهێنانەکانی دەست پێکردووە.
رۆژنامەی وەرزشی ئاسی ئیسپانیا بڵاویکردەوە هێرشبەرە لاوەکەی بلاوگرانا بەباشی قۆناخی چارەسەرییەکانی تێدەپەڕێنێت، بەڵام ئەستەمە بۆ یارییەکانی دەستپێکی وەرزی نوێ بتوانێت بگەڕێتەوە یاریگاکان و تیمی پزیشکی ئەو یانەیەش نایەوێت پەلە لە گەڕانەوەی بکات، هەربۆیە چاوەڕێ دەکرێت ئەو یاریزانە مانگی نۆی ئەمساڵ بگەڕێتەوە.
فاتی وەرزی رابردوو بەهۆی پێکان لە سەرجەم خوڵ و پاڵەوانتیەکان بەهۆی پێکان تەنها بەشداری 10 یاری کرد، سەرەڕای ئەمەش توانی 5 گۆڵ و 4 ئاسیست تۆمار بکات.
