لەخولی نایابی عێڕاق یانەکەی سەرهنگ موحسین دەبێتە میوانی زاخۆ، هەولێریش لەگەڵ نەفت یاری دەکات.

یاریگا- 

لەگەڕی 31 ی خولی نایابی عێڕاق بۆ تۆپی پێ، ئەمڕۆ ئێوارە لەسەر یاریگای نێودەوڵەتی زاخۆ یانەی زاخۆ میوانداری ئەمانەی بەغداد دەکات، ئەمانەی بەغداد بە گۆڵپارێزی کوردی سەرهنگ موحسین لە پلەی هەشتەمی خولەکە دێت بە 39 خاڵ، یانەی زاخۆش دوای پاشەکشەکردنی ئەنجامە باشەکانی ئەمجارە بە ڕاهێنەرایەتی عەبدولوەهاب ئەبو هێل دەیەوێت بگەڕێتەوە سەر ڕێچکەی سەرکەوتنەکانی و یانە ئێستا لە پلەی شەشەمی ڕیزبەندی دایە بە 41 خاڵ..

لە هەمان گەڕدا ئەمڕۆ کاتژمێر 7:30 ئێوارە لەسەر یاریگای شەهید فڕانسۆ هەریری یانەی هەولێر میوانداری یانەی نەفتی شاری بەغداد دەکات، هەولێر یەکەم یاریە بەسەرپەرشتی ڕاهێنەر دکتۆر تەهاقادر ئەنجامدەدات دوای دەست لەکارکێشانەوەی لوئەی سەڵاحی ڕاهێنەری پێشوو، هەولێر لەپلەی سێزدەمی خولەکە دێت بە 32 خاڵ و ئەنجامەکانی ئەم دواییەی بەدڵی جێگای ناڕەزایەتی هاندەرانی یانەکە بوە، بۆیە کوڕانی قەڵاو منارە بەدوای ئاشت بونەوە دەگەڕێن لەگەڵ سەرکەوتن و هاندەرانیاندا لەم یاریە، هەرچی یانەی نەفتی شاری بەغدایە کە هەردوویاریزانی کورد ( ئەحمەدسەرتیپ و بەیارئەبوبەکر) یاری بۆدەکەن لەپلەی حەوتەمی خولەکە دێت بە 40 خاڵ.

وابڕیاریشە دوای تەواوبونی یاریەکانی ئەم گەڕە خولی نایابی عێڕاق بۆ ماوەی مانگێک بوەستێت بەهۆی ئامادەکاریەکانی هەڵبژاردەی عێڕاق بۆ یاریەکانی پاڵاوتنی جامی جیهانی 2022ی وڵاتی قەتەڕ، تائێستاش یانەی قوەی جەوی بە 66 خاڵ لەڕیزبەندی خولی نایابی عێڕاقدایە.