یاریگا–
ئێدین هازارد، یاریزانی بەلجیکی یانەی ریال مەدریدی ئیسپانیا سەڕەرای ئەوەی زۆرترین رەخنەی لێگیراوە بەهۆی ئەوەی ئاستی وەکو پێویست نەبووە بەرامبەر چێڵسی، بەڵام ئەو یاریزانە زۆرترین راکردنی لە یارییەکە هەبووە.
هەژماری فەرمی EPLWORLD لە تۆڕی کۆمەڵایەتی تویتەر بڵاویکردەوە دوای یارییەکەی نێوان ریال مەدرید و چێڵسی لە یاری گەڕانەوەی قۆناخی پێشکۆتایی چامپیۆنزلیگ، زۆرترین رەخنە ئاراستەی ناوەڕاستکارە بەلجیکیەکەی شایانەکان کرا، بەهۆی ئەوەی نەیتوانی ئاستێکی باش پێشکەش بکات، بەڵام ئامارەکان پیشان دەدەن هیچ یاریزانێکی هەردوو یانە هێندەی ئەو یاریزانە لە یاریگا راکردنی نەبووە کە 10.64 کیلۆمەتر بووە.
دوای یارییەکە هاندەرانی ریال مەدرید لە تۆڕە کۆمەڵایەتیەکان رەخنەیەکی زۆریان لە هازارد گرت و دەنگۆیەکیش بڵاوبووەتەوە بەهۆی ئاستە نزمەکەی، کارگێری یانەکەی بریاریداوە هاوینی داهاتوو دەستبەرداری بێت.
