نیدڤید باس لە داهاتووی ڕۆناڵدۆ و پێرلۆ دەكات لە یوڤێنتوس
یاریگا-
یانەی یوڤێنتوسی ئیتاڵی ڕاستی ڕۆشتنی كریستیانۆ ڕۆناڵدۆی پورتوگالی و ئەستێرەی یانەكەی ڕووندەكاتەوە.
ڕۆژنامەكان هەواڵی ڕۆشتنی كریستیانۆ ڕۆناڵدۆیان لە یوڤێنتوس بلاوكردەوە دوای كرانە دەرەوەیان لە خولی یانە پاڵەوانەكانی ئەوروپا.
پاڤێل نیدڤید جێگری سەرۆكی یانەی یوڤێنتوسی ئیتاڵی سەبارەت بە كریستیانۆ ووتی: وەرزی داهاتوو لەگەڵمان بەردەوام دەبێت ، ئەو پارچەیەكە لە داهاتووی یوڤێنتوس نابێت دەستی لێ بدرێت.
هەروەها ووتیشی: ڕۆناڵدۆ سەركردایەتی یوڤێنتوس دەكات ئێمە پابەندین بە بەردەوامی ئەوەوە ، بە هیچ شێوەیەك بیر لەوە ناكەینەوە ڕێگەی بدەین وەرزی داهاتوو جێمان بهێڵێت ، چونكە لە بەرنامەماندایە داهاتووی یانەكە لە دەوروبەری بنیات بنێین.
سەبارەت بە داهاتووی پێرلۆی ڕاهێنەر ووتی: پێرلۆ وەرزی داهاتوو لەگەلمان بەردەوام دەبێت و ڕاهێنەری یانەكە دەبێت ، ئێمە متمانەمان بە تواناكانی هەیە.
