یاریگا –
یانەی قوە جەویە بەفەرمی بووە پاڵەوانی ئەم وەرزەی یارییەکانی خولی ئەستێرەکانی عێراق.
لە هەفتەی 36ی خولەکە قوە جەویە توانی 2-1 لە زەورا بباتەوە و کۆی خاڵەکانی بگەیەنێتە 86 خاڵ. بەوەش پێویستی بە کۆتا 2 یاریی نەما.
لە لایەکی دیکەوە هەولێر لەنێو یاریگای شوڕتە توانی بە دوو گۆڵی بێ وەڵام بباتەوە و کۆتایی هێنا بە خەونی ئەو یانەیە بۆ ڕکابەرێتی لەسەر نازناوەکە.
کوڕانی قەڵاو مەنارە بەو بردنەوەیە بوونە خاوەنی 73 خاڵ و خۆیان لە ریزبەندی سێیەم جێگیرکرد بەبێ گوێدانە ئەنجامەکانی کۆتا دوو هەفتەی خولەکە.
