زانیاریی نوێ؛ رێککەوتن لەسەر راشفۆرد کراوە
یاریگا –
نوێترین زانیاریی لەسەر مارکوس راشفۆرد دەخرێتەڕوو کە جەخت لە رێککەوتن دەکات لەسەر یاریزانە ئینگلیزیەکە.
راشفۆرد ئەم وەرزەی بەخواستن لەگەڵ بارسێلۆنا بەڕێدەکات دوای ئەوەی لە سەردەمی راهێنەرایەتی روبێن ئامۆریم نەیتوانی خۆی لەگەڵ پلانەکانی ئەو راهێنەرەی ئەوکاتی مانچێستەر یونایتدا بگونجێنێت.
هانزی فلیک ئامارەکانی هێرشبەرەکەی بەدڵە و دەیەوێت لە کامپ نۆ بیهێڵێتەوە.
بەگوێرەی نوێترین زانیاریی کە فابریزۆ رۆمانۆ بڵاویکردووەتەوە، گفتوگۆ لەبارەی گواستنەوەی مارکوس لەپشتی پەردەوە بەردەوامیی هەیە. خودی یاریزانەکەش دەیەوێت لەگەڵ بلاوگرانا بمێنێتەوە.
رۆژنامەنووسەکە ئەوەی ئاشکراکردووە کە هەر لە مانگی مارس/ئازاری ئەم ساڵ رێککەوتن لەسەر مەرجەکان کراوە بۆ هێشتنەوەی ناوبراو لەو یانە کەتەلۆنیە.
سەبارەت بە نرخی ئەستێرە 28 ساڵیەکە، رۆمانۆ زانیویەتی کە مان یونایتد جەخت لە 30 ملیۆن یۆرۆ دەکاتەوە و بە یەک گوژمەش بدرێت کە مەرجی کڕینەوەی هەمیشەیی راشفۆردە و پێشتر کاتی گواستنەوەی بەخواستن دیاریکراوە، بەڵام لایەنی ئیسپانیش پێداگری دەکاتەوە لەسەر شێوازیتری نرخەکە و پارەدانەکەی.
🚨 Marcus Rashford deal, still on with talks underway behind the scenes.
Rashford wants to stay at Barça and terms are agreed since March.
Man United insist on €30m buy option clause to be paid in full, Barcelona insist to find another solution.
🎥 https://t.co/bC0kw9P0NI pic.twitter.com/wJg372jbnF
— Fabrizio Romano (@FabrizioRomano) May 20, 2026
یاریزانە ئینگلزیەکە لەم وەرزەی لە 44 بەشداریدا خاوەنی 13 گۆڵ و 10 ئەسێستە و لەگەڵ تیمەکەی فلیک توانیان لالیگا ببەنەوە. لەو وەرزەی کە گۆڵە ناوازەکەی بە لێدانی راستەوخۆ لەدژی ریال مەدرید لە هەفتەی 35ی خولی ئیسپانی هێندەیتر بیرۆکەی هێشتنەوەی لای کارگێری بارسێلۆنا پێشخست.
