یاریگا–
کلیان مباپێ، هێرشبەری فەڕنسی یانەی پاریس سانجێرمانی ئەم وڵاتە تاوەکو ئێستا ئامادەنەبووە گرێبەستەکەی لەگەڵ یانەکەدا نوێ بکاتەوە.
رۆژنامەی وەرزشی مارکای ئیسپانیا بڵاویکردووە، هێرشبەرەکەی شازادەکان تاوەکو ئێستا چەندینجار داوای یانەکەی بۆ نوێکردنەوەی گرێبەستەکەی رەتکردووەتەوە و داواشی کردووە کاتێکی زیاتری پێ بدرێت، ئەو یاریزانە کە ئامانجی یەکەم یانەی ریال مەدریدە، ئەو یانەیە چاوەڕێ داهاتووی دەکەن و ئەگەر گرێبەستەکەی نوێ نەکاتەوە، ئەو کاتە ئەوان هەوڵەکانیان بۆ گواستنەوەی دەست پێدەکەن.
مباپێ تاوەکو هاوینی ساڵی 2022 گرێبەستی لەگەڵ پاریس سانجێرمان هەیە و یانەکەشی دەیەوێت بۆ چەند ساڵێکی دیکەش گرێبەستەکەی نوێ بکەنەوە.
