ئێستا؛ یان دیۆماندێ بە گرێبەستێکی خەیاڵی دەبێتە یاریزانی ریال مەدرید
گرانترین گرێبەست لە مێژووی مێرێنگی
یاریگا –
چاوەڕوان دەکرێت لە چەند کاتژمێری داهاتوو، ریال مەدرید گرێبەستی یان دیۆماندێ، ئەستێرەی لاوی یانەی لایپزیگ بەتەواوەتی یەکلایی بکاتەوە.
تۆڕی ESPN بڵاویکردووەتەوە، بڕیارە لە نێوان رۆژانی دووشەممە و سێشەممە گرێبەستەکە واژۆ بکرێت کە بە هەژمارکردنی گۆڕانکارییەکانەوە، تێچووی گشتی دەگاتە 135 ملیۆن یۆرۆ.
El Real Madrid espera cerrar el fichaje de Diomandé en las próximas horas.
El coste del traspaso podría llegar a los 135 millones de euros.
De momento, ya van por los 115 millones fijos y discuten las variableshttps://t.co/fSjbOCJAyA
— Rodra (@Rodra10_97) July 27, 2026
لە کاتێکدا بڕە جێگیرەکەی گرێبەستەکە لە نێوان 115 بۆ 120 ملیۆن یۆرۆ دەبێت، ئەگەر سەرجەم مەرجە داراییەکان و گۆڕانکارییەکان جێبەجێ ببن، ئەوا ئەم گواستنەوەیە دەبێتە گرانترین گرێبەست لە مێژووی ریال مەدرید و پێش گرێبەستەکانی جود بێڵینگهام و ئیدین هازارد دەکەوێت.
ئەستێرە 19 ساڵانییەکە، یەکێکە لە دیارترین بەهرەمەندە لاوەکانی جیهانی تۆپی پێ؛ لە وەرزی رابردووی بۆندسلیگا ئاستێکی نایابی پێشکەش کرد، کە توانی 12 گۆڵ بکات و 8 گۆڵیش دروست بکات، یارمەتی لایپزیگی دا بۆ بەدەستهێنانی پلەی سێیەمی خولەکە.
هەروەها لە مۆندیالی 2026 لەگەڵ هەڵبژاردەی کۆتدیڤوار درەوشایەوە و لە 4 یارییدا 11 هەلی گۆڵکردنی دروستکرد، پێش ئەوەی لە قۆناخی 32 بەرامبەر نەرویج ماڵئاوایی بکەن.
گەشەکردنی دیۆماندێ زۆر خێرا بووە؛ تەنیا دوو ساڵ پێش ئێستا لە ئەکادیمیای دی ئێم ئی لە فلۆریدا یاری دەکرد، لە کانوونی دووەمی 2025 پەیوەندی بە یانەی لێگانێسی ئیسپانییەوە کرد و سەرەتا لە تیمی یەدەک یاری دەکرد، بەڵام بەهۆی ئاستە بەرزەکەیەوە دوای شەش مانگ رووی لە لایپزیگ کرد.
پێش ئەوەی ریال مەدرید بێتە نێو کێبڕکێکەوە، پاریس سان جێرمان هەوڵێکی زۆری دەدا بۆ گواستنەوەی ئەم یاریزانە، بەڵام چوونەپێشەوەی مێرێنگی ئاراستەی یاریزانەکەی گۆڕی.
لە لایەکی دیکەوە، ریال مەدرید گەشبینە بە ئەگەری گواستنەوەی رۆدری، ناوەڕاستکاری مانچێستەر سیتی. پاش ئاستە بەرزەکەی رۆدری لە مۆندیال، گومانەکانی کارگێڕیی مەدرید سەبارەت بە مێژووی پێکانەکانی ئەو یاریزانە رەوینەتەوە، بەڵام مانچێستەر سیتی دەیەوێت سەرەتا جێگرەوەیەک بۆ رۆدری بدۆزێتەوە پێش ئەوەی رێگە بە رۆیشتنی بدات.
