دوایین پەرەسەندن؛ دیۆماندێ گەڕایەوە لایپزیگ و پشکنینی بۆ دەکرێت

یاریگا –

یان دیۆماندێ، هێرشبەری لایپزیگ گەڕایەوە یانەکەی و بەشداریی مەشقەکان دەکات.

فلۆریان پلێتنبێرگ، رۆژنامەنووسی تۆڕی سکای ئەڵمانیا بڵاویکردووەتەوە، یان دیۆماندێ، هێرشبەری کۆتدیڤواری کۆتایی بە پشووەکانی هێناوە و ئەمڕۆ گەڕاوەتەوە لایپزیگ و پشکنینی پزیشکی بۆ دەکرێت تاوەکوو یانەکەی دڵنیابێتەوە پێکانی نییە و لەڕووی جەستەییەوە بۆ وەرزی نوێ ئامادەیە.

فلۆریان ئاماژەی بەوەش کردووە، گفتوگۆی پێشکەوتوو لەنێوان ریال مەدرید و لایپزیگ بۆ یەکلایی کردنەوەی گرێبەستەکە بەردەوامە، تا ئەوکاتەی دەگەنە رێککەوتنی کۆتایی دیۆماندێ لەگەڵ لایپزیگ لە مەشقەکانی بەردەوام دەبێت.

🚨🔙 Yan Diomande has returned to RB Leipzig today. As reported, post-World Cup break ended. Mandatory fitness and performance tests today.

Meanwhile, advanced negotiations between Leipzig and Real Madrid are ongoing. Until a final agreement is reached, Diomande will continue… pic.twitter.com/e8iIIZ3r9a

— Florian Plettenberg (@Plettigoal) July 27, 2026

بەگوێرەی هەمان سەرچاوە، لایپزیگ تەواوی هەوڵەکانی چڕکردووەتەوە تاوەکوو بە گرێبەستێکی مێژوویی و رکۆرد شکێن، دیۆماندێ بفرۆشێت.

ئەمەش لەکاتێکدایە شەوی رابردوو فابریزۆ رۆمانۆ، رۆژنامەنووسی ئیتاڵی رایگەیاندبوو ریال مەدرید لەگەڵ لایپزیگ گەیشتووەتە رێککەوینی کۆتایی، بەڵام فلۆریان دەڵێت هێشتا نەگەیشتوونەتە رێککەوتن و گفتوگۆکان بەردەوامن.