دێربی لەندەن؛ چێڵسی و ئارسیناڵ ئەستێرەیەکی مانچێستەر سیتی بە ئامانج دەگرن

یاریگا –

چێڵسی دەیەوێت یاریزانی زیاتری ئامادەکراو بۆ پێکهاتەکەی ببات و جۆن ستۆنس گونجاوە لەگەڵ داواکارییەکانیاندا.

بەگوێرەی ئاتلێتیک، چێڵسی یاریزانە ئینگلیزییەکەی خستووەتە نێو لیستی ئامانجەکانی هاوینییەوە. یانەکەی رۆژئاوای لەندەن کراوەیە بۆ ئۆفەرەکان بۆ ئاکسێل دیساسی و ترێڤۆ چالۆبا لە کاتێکدا دەیانەوێت هێڵی بەرگریی خۆیان بۆ وەرزی داهاتوو نوێ بکەنەوە. بلوز پرسیاری فەرمییان لەسەر ماکسین لوکرۆیی یاریزانی کریستال پاڵاس کردووە، بەڵام تێچووە دارایییەکان بۆ رێککەوتنەکە دەکرێت ببێتە کۆسپێکی گەورە.

پاڵاس داوای 55 ملیۆن پاوەند دەکات بۆ رێگەدان بە فرۆشتنی و هەڵسەنگاندنی چێڵسی لە خوار ئەو ژمارەیەوەیە. تیمەکەی چابی ئالۆنسۆ دەکرێت لەم هاوینەدا دوو دڵی بەرگری بهێنێت بەگوێرەی رۆیشتنی یاریزانەکان.

چێڵسی تەنیا یانە نییە کە گرنگی بە ستۆنس دەدات، ئارسیناڵیش دوای پێکانی سەختی ویلیام سالیبا لە کاتی یاریکردن بۆ فەڕەنسا لە مۆندیال، لە بازاڕدایە بۆ بەرگریکارێکی نوێ. بەرگریکارە فەڕەنسییەکە هێشتا لەلایەن گەنەرزەوە هەڵسەنگاندنی بۆ نەکراوە، بەڵام مەترسیی ئەوە هەیە بۆ ماوەی چوار تاوەکوو پێنج مانگ دوور بکەوێتەوە.

تیمەکەی میکێل ئارتێتا بە شێوەیەکی بەهێز بە ستۆنزەوە بەستراوەتەوە وەکوو چارەسەرێکی کاتی بۆ پێکانەکەی سالیبا. یاریزانە تەمەن 32 ساڵەکە بەردەستە بۆ واژۆکردن بە گواستنەوەی ئازاد دوای ئەوەی گرێبەستەکەی لەگەڵ مانچێستەر سیتی لە مانگی رابردوودا بەسەر چوو.

ستۆنز مانچێستەر سیتی جێهێشت وەکوو یەکێک لە رێزلێنراوترین بەرگریکارەکان لە مێژووی هاوچەرخی یانەکەدا. ئەو 295 یاریی لە سەرجەم پاڵەوانییەتییەکاندا کرد و هاوکاریی تیمەکەی کرد بۆ بردنی شەش نازناوی پرێمەرلیگ و نازناوی چامپیۆنزلیگ لە ساڵی 2023.