ئەستێرەیەكی مۆندیال؛ لیڤەرپوول كێبڕكێی گواستنەوەی ناوەڕاستكارێک دەكات
یاریگا –
لیڤەرپوولی ئینگلیزی هەوڵەكانی بۆ پتەوكردنی ریزەكانی یانەكەی بۆ وەرزی داهاتوو دەستپێكردووە و ئەمجارە هەوڵی گواستنەوەی كایشو سانۆ ناوەڕاستكاری ژاپۆنی یانەی ماینز دەدات.
سانۆ هاوینی 2024 لە ریزەكانی كاشیما ئانتلەرز بە بەهای 2.5 ملیۆن یۆرۆ پەیوەندی بە ماینز كرد و تاوەكوو 2028 گرێبەستی لەگەڵ ئەو یانەیە هەیە.
Liverpool are READY to pay up to £51m to sign Japan defensive midfielder Kaishu Sano 🇯🇵
Arsenal, Tottenham and Borussia Dortmund are also interested in the Mainz star 👀@FrazFletcher | #LFC https://t.co/T64LxbMaTt
— TEAMtalk (@TEAMtalk) July 16, 2026
بە گوێرەی زانیارییەكانی تیم تۆک، لیڤەرپوول هەوڵەكانی بۆ گواستنەوەی كایشو سانۆ ناوەڕاستكاری ژاپۆنی دەستپێكردووە.
لیڤەرپوول بە تەنیا كێبڕكێی گواستنەوەی ئەو ناوەڕاستكارە ژاپۆنییە ناكات و هەریەک لە یانەكانی ئارسیناڵ، تۆتنهام و بۆڕووسیا دۆرتموندیش هەوڵی گواستنەوەی دەدەن.
ماینز بەهای ناوەڕاستكارەكەی بە 60 ملیۆن یۆرۆ دەخەمڵێنێت و رێدز پێشەنگی گواستنەوەی كایشو سانۆی گرتووە و ئامادەیە ئەو بڕە پارەیە لە گواستنەوەی خەرجبكات.
سانۆ وەرزی رابردوو ئاستێكی بەرزی لەگەڵ ژاپۆن پێشكەشكرد و هەروەها لەم مۆندیالەشدا لەگەڵ ژاپۆن دەدرەوشایەوە و بەرامبەر بەڕازیل تاكە گۆڵی ژاپۆنی كرد.
وەرزی رابردوو لەگەڵ ماینز 48 یاریی كرد و توانی دوو گۆڵ بكات و پێنج ئەسیستیش بكات.
