تەواو؛ لیاندرۆ ترۆسارد ئارسیناڵ جێدەهێڵێت

یاریگا –

ئارسیناڵ دەستبەرداری لیاندرۆ ترۆسارد، هێرشبەری بەلجیکی دەبێت

تۆڕی سکای سپۆرتس بڵاویکردووەتەوە، بێشکتاشی تورکی بۆ گواستنەوەی لیاندرۆ ترۆسارد، هێرشبەری بەلجیکی لەگەڵ ئارسیناڵ گەیشتووەتە رێککەوتن و ئەو یاریزانە بە 17 ملیۆن پاوەند دەگوازێتەوە ریزەکانی.

ئارسیناڵ لە بەرامبەر دەستبەرداربوون لەو یاریزان 31 ساڵانییە راستەوخۆ 15.4 ملیۆن پاوەندی پێدەدرێت و 1.7 ملیۆن پاوەندی دیکەش وەکوو پاداشت وەردەگرێت.

ترۆسارد کە ئێستا لەگەڵ هەڵبژاردەی بەلجیکا بەشداریی مۆندیال دەکات، تەنیا یەک ساڵ گرێبەستی لەگەڵ ئارسیناڵ ماوە و لە هاوینی داهاتوو گرێبەستەکەی بەسەردەچێت.

Besiktas have agreed a €20million deal with Arsenal to sign Leandro Trossard.

Trossard only has one year left on his Arsenal contract, after agreeing new terms in August 2025 that granted the forward a significant pay rise but did not extend his stay at the Emirates beyond the… pic.twitter.com/HHFdbt0DS8

— The Athletic | Football (@TheAthleticFC) July 4, 2026

هەر بەگوێرەی زانیارییەکانی سکای سپۆرتس، ئارسیناڵ بەنیازە دەستبەرداری هێرشبەرێکی دیکە ببێت.

هەردوو یاریزانی بەڕازیلی، گابڕیێل خێسوس و گابڕیێل مارتینێلی یەک ساڵ بۆ بەسەرچوونی گرێبەستەکانیان ماوە، بەڵام مارتینێلی بژاردەی نوێکردنەوەی بۆ وەرزێکی دیکە لەبەردەستدا دەبێت.

ئارسیناڵ گوێ بۆ ئەو ئۆفەرەنا دەگرێت کە پێشکەشیان دەکرێت، بەڵام بە هەرزان دەستبەرداریان نابێت و بۆ گابڕیێک خێسوس داوەی 18 بۆ 20 ملیۆن پاوەند دەکات.

ئارتێتا زۆر بە کەمی پشت بە خێسوس و مارتینێلی دەبەستێت، ترۆساردیش لە دێسێمبەری داهاتوو دەبێتە 32 ساڵ.