فەرمی؛ زەورا گرێبەستی بەرگریکارێکی واژووکرد

یاریگا-

بەفەرمی یانەی زەورا گرێبەستی لەگەڵ بەرگریکاری یانەی تەڵەبە ماسیس ئارتین واژووکرد.

ماسیس تەمەن 32 ساڵ لە هێڵی بەرگری یاری دەکات وەرزی رابردوو لە یانەی دهۆک پەیوەندی بە یانەی تەڵەبە کرد و توانی سێ گۆڵ تۆماربکات و گۆڵێکی بەهەڵە لە تیپەکەی تۆمارکرد.

یانەی زەورا بەسەرکردایەتی باسم قاسم بەردەوامە لە تۆکمە کردنی تیپەکەی و واژووکردنی گرێبەست لەگەڵ ئەستێرە و پیشەگەرەکانی خولی عێراقی.

یانەکە لە وەرزی رابردوو پلەی چوارەمی بەدەستهێنا و ئەم وەرزە بەشداری لە چوار پاڵەوانێتی دەکات جامی سوپەری عێراق و خولی ئەستێرەکانی عێراق و جامی عێراق و جامی یانەکانی کەنداو.