تەواو؛ بێنفیکا شوێنگرەوەی جۆزێ مۆرینیۆی دەستنیشانکرد
هەموو شتێک کۆتایی هاتووە..
یاریگا –
بێنفیکا لەگەڵ مارکۆ سیلڤا، گەیشتووەتە رێککەوتن و راهێنەرەکەی فولهام شوێنی جۆزێ مۆرینیۆ دەگرێتەوە.
رۆژنامەنووسی تۆڕی سکای سپۆرتس، ساشا تاڤۆلیێری بڵاویکردووەتەوە، بێنفیکا لەگەڵ مارکۆ سیلڤا گەیشتووەتە رێککەوتنی کۆتایی، هەموو شتێک کۆتایی هاتووە و ئەو راهێنەرە پۆرتوگالییە دەبێتە شوێنگرەوەی جۆزێ مۆرینیۆ.
هەر بەگوێرەی زانیارییەکانی تۆڕی سکای، لە چەند رۆژی داهاتوو بێنفیکا بەشێوەیەکی فەرمی گرێبەستەکەی مارکۆ سیلڤا رادەگەیەنێت.
🚨 BREAKING
🦅 🔴 Marco Silva is set to become the new head coach of SL Benfica!
⚪️ The Portuguese club has reached an agreement with the Fulham FC manager, who had prioritized a return to his home country.
💬 Official announcement is expected in the coming days. #transfers pic.twitter.com/7Ud9hJ96kx
— Sacha Tavolieri (@sachatavolieri) May 21, 2026
مارکۆ سیلڤا لە هاوینی 2021 پۆستی راهێنەرایەتی فولهامی وەرگرت و لەم هاوینە گرێبەستەکەی لەگەڵ یانە ئینگلیزییەکە بەسەردەچێت.
سیلڤا لە 228 یاریی سەرپەرشتی فولهامی کردووە، 103 یاریی بردووەتەوە، 42 یاریی یەکسانبووە و 83 یاریی دۆڕاندووە.
راگەیاندنی گرێبەستی سیلڤا لە چەند رۆژی داهاتوو بە واتای ئەوە دێت، لە چەند رۆژی داهاتوو ریال مەدریدیش بەفەرمی گواستنەوەی مۆرینیۆ رادەگەیەنێت.
